Ons wil net baie dankie sê aan Serna Smit (Arbeidsterapie) vir die program. Indien jy haar wil skakel: (012) 997 3464
 
A) POLSEKSTENSIE (PASSIEF)
  1. Doen Hasiespronge
  2. Kruiwaloo
  3. Kraploop - Hande-vier-voet na die rugkant, loop dan vorentoe en agtertoe
  4. Opstote
  5. Sit op 'n stoeltjie voor 'n muur en plak die werk wat die kind moet doen teen die muur, bv. inkleurwerk, ens.
  6. "Leopard crawling"
  7. Hondjie kruip (Hande-vier-voet loop)
B) POLSEKSTENSIE (AKTIEF UITGEVOER MET DIE DOMINANTE HAND)
  1. Kap met 'n hammer (slaan bv. eierdosies plat)
  2. Draai moere in en uit
  3. "Twisting bows" - draai 'n opgerolde koerantpapier met die dominante hand na jou toe
  4. Spintoppe
  5. Vingerbord
  6. Vingersokker - Skiet 'n opgerolde koerant balletjie / tafeltennis balletjie met die duim en wysvinger na doel.
  7. Springtou
  8. "Frisbee"
  9. Ringtennis
C) VERSTERKING VAN DUIM-, MIDDEL- EN INDEKS VINGERS (DOMINANTE HAND)
  1. Oop en toemaak van wasgoedpennetjies
  • Kind kan help om wasgoed op te hang
  • Knyp die wasgoedpennetjies al om die randte van 'n oulike prent of skoendoos vas.
  • Probeer om klein voorwerpe soos macaroni op te tel en in 'n houer te gooi teen tyd
  • Tydens 'n kaartspel, gebruik wasgoedpennetjies om die kaarte mee op te tel

Rol baie klein balletjies van snesies met hierdie drie vingers en plak dit op 'n prent soos 'n eend, boom en sneeuman. Laat die voorarm op die tafel rus en lig die hand heeltemal van die tafel op, terwyl die balletjies gerol word.

Rol klein balletjies met klei om bv. eiers vir 'n voëlnessie te maak
Gebruik 'n medisynedrupper met 'n rubberpunt en speel blaassokker deur 'n ligte, klein balletjie met die medisyne drupper na die doel te blaas.
D) MOEDIG OPENING VAN DIE SPASIE TUSSEN DIE DUIM EN WYSVINGER AAN (WEBSPASIE)
Herhaal bogenoemde aktiweite, maar gebruik net die duim, ringvinger en pinkie van die dominante hand. Die ander vingers staan regop soos soldate.
E) PRO- EN SUPINASIE VAN DIE VOORARM
Gooi byvoorbeeld 'n boontjiesakkie in die lug met die handpalm na bo en vang weer die sakkie met die rugkant van die hand en ook anders om.
Oefeninge en aktiwiteite moet daagliks vir ongeveer 15 minute gedoen word om vordering te verseker.